Itinerario verde urbán

 [ Máis ]

Ruta por Fecha e Vachao 04/10/2010

O luns á mañá imos de ruta de sendeirismo pola ribeira do Tambre, na zona da central eléctrica de San Xoán de Fecha. Quedaremos ás 10:30 no Romaño, na última parada do 8, para organizarnos cos coches e ir todos xuntos ata a igrexa de San Xoán de Fecha, que é onde faremos a saída e a chegada.
Animádevos!

Voltamos a Conxo 23/09/2010 - 10:00

Ola a todos!
O xoves 23 voltaremos a facer o roteiro de Conxo. Quedamos ás 10 da mañá diante do Centro Sociocultural de Conxo, que está a carón do hospital Psiquátrico. É un roteiro circular, que comeza e remata no Centro Sociocultural, e ten unha distancia de 6 Km., así que ás 12:30 estaremos de volta.
Se alguén se anima, que se pase por Conxo o xoves, que será ben recibido. Saúdos

aínda estades a tempo

Lémbrovos a excursión de hoxe por Conxo. Animádevos!
Mirade, ata sae na prensa:

http://www.lavozdegalicia.es/santiago/2010/09/10/0003_8717608.htm

Roteiro do Ulla do 09/09/2010

Ola a todos,
contame Paco que o roteiro do Ulla do xoves foi todo un éxito, alégrome moito. A el gustoulle especialmente a vista desde a ponte vello da RENFE, co viaduto da AVE en obras (supoño que será o de Guitián) onde foron con Isabel, e os muíños que hai preto da estrada xeral, de volta a Santiago, aos que foron con José Luis. Que peniña que eu estivese liada co traballo e mo perdera!
A ruta de Conxo do sábado está tendo un éxito bastante moderado, e polo de agora só hai 10 persoas apuntadas. A ver se vos animades e chamades para apuntarvos (é o 981 528 740) ou se queredes, facémola nos cando queirades. A min a semana que ven paréceme ben, excepto o martes, que é o sorteo das hortas municipais de Belvís.
Xa me diredes, eu estou aquí para o que queirades

Paseo do Ulla, xoves 09/09/2010, 10:30

Infórmame Isabel que o xoves hai unha quedada para ir facer unha ruta. Lamentablemente, eu non vou poder asistir, porque estarei facendo un curso, xa me fastidia porque apeteceríame moito.
Xa me contaredes que tal o pasades, e para a próxima contade comigo, que espero estar dispoñible para non merderma.
Pasalo ben!

Ruta de Conxo, sábado 11/09/2010, 10:30

Ola a todos,
O sábado día 11 de setembro, dentro do programa de festas da Merced do barrio de Conxo, inclúese unha ruta de 6 quilómetros polo barrio.
Está prevista a saída ás 10:30 - 11 horas, e é preciso apuntarse previamente no Centro Sociocultural. A duración da ruta está estimada nunhas tres horas, polo que terminamos para a hora de comer (e para a sesión vermú)
A saída e a chegada serán no Centro Sociocultural, xa que se pensou facer unha ruta circular para maior comodidade dos asistentes, e o percorrido será o seguinte:
Centro Sociocultural - Hospital Provincial - Nogueira - Río Sar - Vía e Túnel do Ferrocarril - Rocha Vella - Rocha Nova - Torrente - Centro Sociocultural.
É necesario inscribirse previamente, para o que podedes chamar ao Centro Sociocultural de Conxo, onde teñen toda a información.
Quedades todos convidados!

Presentación

Boas,
Son Irene, a guía de zonas verdes do concello. Decidín crear este blog para avisarvos das actividades que me toca facer no concello de rutas e sendeirismo, así como para poñerme á vosa disposición se queredes argallar algunha vos.
Gustaríame que participásedes con todo o que se vos ocorra: suxestións, opinións, comentarios,...
A min, aquí me tendes para o que queirades
Un saúdo